განათლების ეროვნული ცენტრი (VISC) განათლებისა და მეცნიერების სამინისტროს ეგიდით მოქმედი საჯარო მმართველი ორგანოა, რომლის მოვალეობაშიც შედის ეროვნულ დონეზე პროფესიული და ზოგადი განათლების პოლიტიკის განხორციელება. VISC-ის ძირითადი ფუნქციებია: ზოგადი და პროფესიული განათლების სასწავლო პროგრამების შემუშავება; ზოგადი და პროფესიული განათლების სფეროში ეროვნული გამოცდების მომზადება და ჩატარება; სახელმძღვანელოების შემუშავების, სახელმწიფო ენის გამოცდების, სპეციალური საჭიროებების მქონე ბავშვებისა და ნიჭიერი მოსწავლეების მხარდამჭერი სისტემების, მასწავლებელთა უწყვეტი პროფესიული განვითარების, არაფორმალურ კარიერაზე ორიენტირებული სასწავლო სისტემების, პროექტების განხორციელების კოორდინირება.

აღნიშნული ფუნქციების შესასრულებლად, VISC-ი მჭიდროდ თანამშრომლობს სკოლებთან, კოლეჯებთან და უნივერსიტეტებთან, ადგილობრივ ხელისუფლებასთან, მშობელთა გაერთიანებებთან, მეწარმეებთან, სხვადასხვა ბიზნეს კომპანიებთან, ლატვიის სავაჭრო-სამრეწველო პალატასთან, ლატვიის მრეწველთა პალატასთან და ა.შ.   ზოგადი განათლების სფეროში, VISC-ის სპეციალისტები შეიმუშავებენ, ანვითარებენ და ანხორციელებენ სკოლამდელი, ზოგადი საბაზისო და ზოგადი  საშუალო განათლების სასწავლო გეგმების მონიტორინგს. კურიკულუმის შემუშავების პროცესში ჩართულნი არიან პრაქტიკოსი პედაგოგები სკოლებიდან, უნივერსიტეტებიდან და არასამთავრობო დაწესებულებებიდან. VISC-ი ასევე უწევს კოორდინირებას სახელმძღვანელოების შემუშავების პროცესს, ზოგადი ეროვნული განათლების სტანდარტების შესაბამისად. VISC-ი უზრუნველყოფს მეთოდოლოგიურ მხარდაჭერას ზოგადსაგანმანათლებლო დაწესებულებების მასწავლებლებისთვის, სემინარების და მეთოდოლოგიური მასალების შემუშავების გზით. VISC-ი კოორდინაციას უწევს მასალების შემუშავების პროცესს ცენტრალიზებული და არაცენტრალიზებული გამოცდებისთვის, რომლებიც ტარდება საბაზისო და საშუალო განათლების საფეხურის დასრულების შემდეგ. VISC-მა ასევე შეიმუშავა ხარისხის უზრუნველყოფის სტრატეგია გამოცდების პროცედურის ხარისხის უზრუნველყოფის და მონიტორინგის მიზნით. აღნიშნული მოიცავს გამოცდების მთლიან ციკლს, მათ შორის საგამოცდო მასალებს, გამოცდების ფორმატს და ჩატარების წესს, ასევე შედეგების დამუშავებისა და გასაჩივრების პროცედურებს.

მასარიკის უნივერსიტეტი (MU) სიდიდით მეორე უნივერსიტეტია ჩეხეთის რესპუბლიკაში (დაახლოებით 400 სასწავლო პროგრამა, დაახლოებით 30 000 სტუდენტი და წელიწადში 7000 კურსდამთავრებული).

განათლების მეცნიერებათა დეპარტამენტი (DES) მასარიკის უნივერსიტეტის ერთ-ერთი უდიდესი ფაკულტეტის, კერძოდ, ხელოვნების ფაკულტეტის ნაწილია.

ხელოვნების ფაკულტეტს აქვს 100 წელზე მეტი ხნის ტრადიცია, ჰყავს 6500-ზე მეტი სტუდენტი და 650-ზე მეტი თანამშრომელი. DES–ს ყოველწლიურად ჰყავს ბაკალავრიატის, მაგისტრატურის და დოქტორანტურის საფეხურის დაახლოებით 600 სტუდენტი, რომლებიც სწავლობენ როგორც ნახევარ განაკვეთზე, ასევე სრულ განაკვეთზე. DES-ი სტუდენტებს სთავაზობს შემდეგ სასწავლო პროგრამებს: განათლების მეცნიერება, სოციალური პედაგოგიკა და კონსულტირება, ზრდასრულთა განათლება. DES-ის ასევე სთავაზობს მასწავლებელთა მოსამზადებელ პროგრამას და ამზადებს მასწავლებლებს მასარიკის უნივერსიტეტის ხელოვნებისა და მეცნიერების ფაკულტეტის სასწავლო პროგრამებისთვის. უნივერსიტეტი ასევე სთავაზობს სკოლის მრჩევლებს პროფესიული განათლების აკრედიტებულ კურსებს. DES-ს ჰყავს 20-ზე მეტი ძირითადი თანამშრომელი და მრავალი გარე კოოპერატორი, რომლებიც განათლების გარდა, ასევე ჩართულნი არიან (ეროვნულ და საერთაშორისო) კვლევებსა და განვითარების პროცესში (მეტი https://pedagogika.phil.muni.cz/en).

ლატვიის სიცოცხლის შემსწავლელ მეცნიერებათა და ტექნოლოგიების უნივერსიტეტი (LLU) დაარსდა 1863 წელს. დღესდღეისობით, უნივერსიტეტი უმაღლესი განათლების მიმწოდებელი და კვლევითი დაწესებულებაა, ძირითადი სპეციალიზაციით ბუნებრივი რესურსების მდგრად გამოყენებაში, რომლის მიზანი საზოგადოებრივი ცხოვრების ხარისხის გაუმჯობესებაა.

უწყვეტი განათლების ცენტრი (LLC) LLU-ის განუყოფელი ნაწილია, თანამშრომლობს LLU-ის ყველა ფაკულტეტთან, სკოლასთან და ბიზნეს ორგანიზაციასთან. LLC-ი ანხორციელებს უწყვეტი განათლების პროგრამებს LLU-ში. მისი მიზანი უნივერსიტეტში უწყვეტი განათლების ხელმისაწვდომობის, მიწოდებისა და განვითარების ხელშეწყობაა, ასევე უწყვეტი განათლების ხარისხის გაუმჯობესება მათთვის, ვინც სწავლობს, მუშაობს, სამუშაოს ძიებაშია ან გეგმავს სწავლის გაგრძელებას და დასაქმებას, რათა მოხდეს მათი პიროვნული განვითარების ხელშეწყობა შრომითი ბაზრის მოთხოვნების, საჭიროებებისა და ინტერესების შესაბამისად. LLC-ი სტუდენტებს სთავაზობს უწყვეტ საგანმანათლებლო კურსებს, პროფესიული განვითარების კურსებს და აქტივობებს სასკოლო პერსონალისთვის, განსაკუთრებით კი მასწავლებლებისთვის, კარიერული მრჩეველებისთვის, ასევე კურსებს საშუალო სკოლის მოსწავლეებისთვის უნივერსიტეტის მისაღები გამოცდებისთვის მოსამზადებლად, ასევე ცალკეული სასწავლო პროგრამების კურსის გავლას მსმენელის რანგში.

კვიპროსში მდებარე CARDET-ი დამოუკიდებელი, არაკომერციული, არასამთავრობო, კვლევებსა და განვითარებაზე ორიენტირებული ორგანიზაციაა. CARDET-ი ერთ-ერთი წამყვანი კვლევითი ცენტრია ევროპის ხმელთაშუა ზღვის რეგიონში, რომელსაც გააჩნია გლობალური ექსპერტული ცოდნა პროექტების შემუშავების და განხორციელების, შესაძლებლობების განვითარების და ელექტრონული სწავლების სფეროში. CARDET-ი დამოუკიდებლად თანამშრომლობს უნივერსიტეტებთან და ინსტიტუტებთან მთელი მსოფლიოს მასშტაბით, მათ შორის იელის უნივერსიტეტთან, ნიქოზიის უნივერსიტეტთან და საგანმანათლებლო მედიის საერთაშორისო საბჭოსთან. CARDET-ს განხორციელებული აქვს მრავალი პროექტი, მათ შორის: განათლებისა და პროფესიული განათლების სფეროში შესაძლებლობების განვითარების და დაგეგმვის განხორციელება, ახალგაზრდების მხარდაჭერა, ზრდასრულთა განათლება, წიგნიერება, ციფრული ინსტრუმენტები, ელექტრონული სწავლება, საგანმანათლებლო ტექნოლოგიები და მარგინალიზებული ჯგუფების სოციალური ინტეგრაცია.

სპექტრის კვლევითი ცენტრი (SRC) დაარსდა 2017 წელს. მისი მიზანია ახალგაზრდა მკვლევარების დახმარება კვლევების განხორციელებაში.

SRC-ის დაფუძნება უშუალოდ ადგილობრივი სოციალური და აკადემიური სფეროს მკვლევარებისა და დოქტორანტების მოთხოვნით გადაწყდა, რომლებმაც დაადგინეს ადგილობრივი საჭიროება შეიქმნას სივრცე, სადაც კვლევითი ჰიპოთეზები და დასკვნები დადასტურდება და გამყარდება ადგილობრივი ღონისძიებებით.

თავდაპირველად, SRC-ი მიზნად ისახავდა მკვლევარების მხარდაჭერას კვლევითი საქმიანობის წარმოებაში. თუმცა, დაწესებულების ზრდასთან ერთად, გამოიკვეთა ახალი მიზანი – მისცეს მკვლევარებს შესაძლებლობა დაამატონ თავიანთ კვლევებს ევროპული პერსპექტივა. ორგანიზაციის კვლევით ფოკუსს წარმოადგენს განათლების სფეროში არსებული ინოვაციები, ირლანდიის სოფლად მცხოვრებ თემში დაფიქსირებული საჭიროებების საპასუხოდ.

CESIE არაკომერციული და არასამთავრობო ორგანიზაციაა, რომელიც 2001 წელს ქალაქ პალერმოში (იტალია) დაარსდა. CESIE მოწოდებულია ხელი შეუწყოს კულტურულ, სოციალურ, საგანმანათლებლო და ეკონომიკურ განვითარებას ადგილობრივ, ეროვნულ, ევროპულ და საერთაშორისო დონეზე.     CESIE ხელს უწყობს ზრდასა და განვითარებას, საზოგადოების, სამოქალაქო საზოგადოებისა და ინსტიტუტების აქტიური ჩართულობის უზრუნველყოფით, ამასთანავე ყოველთვის პატივს სცემს მრავალფეროვნებას. დანილო დოლჩის მოღვაწეობითა და ცხოვრებით შთაგონებულნი, ჩვენს მთავარ  ფოკუსს სოციალური საჭიროებებისა და ინოვაციური მიდგომების გამოყენებისადმი არსებული გამოწვევების კვლევა წარმოადგენს.

მასწავლებელთა პროფესიული განვითარების ეროვნული ცენტრი (TPDC) დაარსდა 2007 წელს. ცენტრი საქართველოს განათლებისა და მეცნიერების სამინისტროს დაქვემდებარებაში არსებული საჯარო სამართლის იურიდიული პირია, ამასთან მინიჭებული აქვს ნახევრად დამოუკიდებელი სამსახურის მანდატი და ძირითადად სახელმწიფო ბიუჯეტიდან ფინანსდება. TPDC-ის მიზანია სკოლებში სწავლების ხარისხის გაუმჯობესება და სწავლა-სწავლების მაღალი სტანდარტების დანერგვა; კვალიფიციური მასწავლებლების მოზიდვა და პოზიტიური გარემოს შექმნა დამწყები მასწავლებლებისთვის, ასევე მასწავლებელთა გადამზადების პროცესის ხელშეწყობა, რაც მათ პროფესიონალებად ჩამოყალიბებაში დაეხმარება.

TPDC-ი მნიშვნელოვან როლს ასრულებს მასწავლებელთა პროფესიული განვითარების მიმართულებით მთელ ქვეყანაში და ახორციელებს შესაბამის პოლიტიკურ გადაწყვეტილებებს სწავლა/ სწავლებისა და მასწავლებელთა პროფესიული განვითარების კუთხით. ხარისხიანი სასწავლო პროცესის მხარდასაჭერად და გასაძლიერებლად, TPDC-ი ახორციელებს უამრავ საგანმანათლებლო პროგრამას, ხელს უწყობს თანამედროვე სწავლებისა და ინოვაციური სასწავლო მიდგომების დანერგვას და უზრუნველყოფს მათ პილოტირებას, შეფასებასა და სათანადო გავრცელებას.

TPDC-ი მასწავლებლებს, სკოლის დირექტორებსა და სასკოლო პერსონალს სთავაზობს პროფესიული განვითარების მრავალფეროვან შესაძლებლობებს, ატარებს ტრენინგებს, კონფერენციებს ადგილობრივ დონეზე, შეიმუშავებს და აწარმოებს საგანმანათლებლო რესურსებს. TPDC-ში დასაქმებულია დაახლოებით 1381 ადამიანი.